Kanadada 15 milyon dollar dəyərində qızıl və digər qiymətli əşyaların olduğu konteyner oğurlanıb
Bakı, 22 aprel, AZƏRTAC
Kanada polisi bazar ertəsi Toronto beynəlxalq hava limanından təxminən 15 milyon dollar qızıl və digər qiymətli əşyaların olduğu konteynerin oğurlanması faktını araşdırır.
AZƏRTAC nbcnews-a istinadla xəbər verir ki, bu barədə regional polis müfəttişi Stiven Duivesteyn mətbuat konfransında bildirib.
Onun sözlərinə görə, yükün itdiyi barədə polisə məlumat verilib və dərhal araşdırmalara başlanılıb.
Konteynerin içərisində nə qədər qızılın və ya başqa hansı qiymətli əşyaların olduğu dəqiq məlum olmasa da, Duivesteyn bu dəyərin təxminən 14,8 milyon dollardan çox olduğunu söyləyib.
Duivesteyn, yükü daşıyan təyyarənin haradan gəldiyini və ya nəzərdə tutulan son təyinat nöqtəsini açıqlamayıb.
Hadisə Kanadada ən böyük oğurluq hadisələrindən sayılır.
Bölmənin digər xəbərləri
