KİÇİK ŞƏHƏR BOYDA ASTEROİD YER KÜRƏSİNƏ YAXINLAŞIR
AZƏRTAC-ın xarici informasiya agentliklərindən aldığı xəbərə görə, Kelt müharibə allahının adı verilmiş Tutatis asteroidi Yer kürəsinin 1,5 milyon kilometrliyindən keçəcəkdir. Kosmik ölçülərə görə, bu, çox azdır, Yerdən Ayadək cəmi dörd məsafəyə bərabərdir.
Asteroid 1353-cü ildən bəri planetimizə bu qədər yaxınlaşmamışdı. Asteroidlər kataloqunda Tutatisin nömrəsi 4179-dur. O, 1989-cu ildə fransız astronomu Kristian Pola tərəfindən kəşf olunmuşdur.
Planetlərin əksəriyyətindən və digər asteroidlərdən fərqli olaraq, Tutatisin bir yox, iki fırlanma məhvəri var. Odur ki, burada gündüzlə gecə nizamlı surətdə əvəzlənmir. Asteroidin digər xüsusiyyəti onun qeyri-adi formasıdır - o, təxminən 4,5x2,4 kilometr ölçülü nəhəng qanteli xatırladır.
Belə asteroidlər Yer kürəsi üçün potensial təhlükədir - Yer kürəsi Tutatislə toqquşsaydı, 1 milyon ton trotil gücündə partlayış baş verə bilərdi. Lakin yaxın 600 il ərzində belə təhlükə gözlənilmir.
Bölmənin digər xəbərləri
