“Kitabxanaçı tövsiyə edir” layihəsi uğurla davam edir
Bakı, 30 yanvar, AZƏRTAC
Bakı Şəhər Mədəniyyət Baş İdarəsinin Səbail rayon Mərkəzi Kitabxana Sisteminin mərkəzi kitabxanasının “Kitabxanaçı tövsiyə edir” layihəsi uğurla davam edir.
Baş İdarədən AZƏRTAC-a bildirilib ki, layihə çərçivəsində Rudolf Erix Raspenin “Baron Münhauzenin sərgüzəştləri” əsəri əsasında videoçarx hazırlanıb.
Layihə böyüməkdə olan nəslin internet məkanında fəallığının artmasını nəzərə alaraq sosial şəbəkələr üçün nəzərdə tutulub.
Qeyd edək ki, “Baron Münhauzenin sərgüzəştləri” əyləncəli-yumoristik əsərdir. Əsərin qəhrəmanı Baron Münhauzen real personajdır. O, XVIII əsrdə yaşamış, rus ordusu sıralarında Türkiyə ilə iki dəfə müharibədə iştirak edib. Almaniyaya qayıtdıqdan sonra Münhauzen ağlagəlməz sərgüzəştlər uyduran məzəli bir gopçu kimi tanınıb. Axşamlar dostlarını ətrafına toplayaraq onlara məzəli-duzlu söhbətlər edirdi. Bütün bu məzəli uydurmaları qələmə alan müəllif Erix Raspenin məharəti sayəsində Baron Münhauzen məşhur bir gopçu kimi geniş şöhrət qazanır. Yüz illərdən bəri, demək olar ki, bütün dünya xalqları arasında, hər xalqın öz sevimli rəvayət və məzəli lətifələrindəki mahir yalançı surətləri ilə yanaşı, Baron Münhauzenin də adı nümunəvi bir gopçu-yalançı kimi yad edilir. Belə bir ümumdünya şöhrəti qazanmış əsər həmişə maraqla, sevilə-sevilə oxunur.
Bölmənin digər xəbərləri
