KİV: ABŞ konqresi dövlət katibindən izahat tələb edir
Bakı, 24 may, AZƏRTAC
Nümayəndələr Palatasının Xarici Əlaqələr Komitəsinin sədri Maykl Makkol (Texas ştatından olan respublikaçı) ABŞ-ın dövlət katibi Entoni Blinkenə məktub göndərərək Çinə qarşı “rəqabətli fəaliyyətləri” bloklamaq qərarı ilə bağlı izahat istəyib.
AZƏRTAC Axios portalına istinadla xəbər verir ki, Maykl Makkol Dövlət Departamentinin əsas məmurlarının, o cümlədən Entoni Blinkenin Çinin dövlət orqanlarına qarşı əks tədbirlərin müzakirə olunduğu yazışmalarını tələb edib.
Konqresmenin fikrincə, “Huawei” kimi kompaniyalara qarşı sanksiya təzyiqlərində fasilə Departament rəhbərliyinin Çinin artan təhdidlərinə effektiv reaksiya vermək bacarığına və hazırlığına ciddi şübhələr yaradır.
Xarici siyasət idarəsinin Pekinə qarşı fəaliyyətini tənqid edən Maykl Makkolun sözlərinə görə, ABŞ Dövlət Departamentinin Çinə humanitar malların tədarükü ilə bağlı sanksiyaları əngəlləməsi Pekin tərəfindən səhv başa düşülüb və Birləşmiş Ştatların beynəlxalq arenada zəif görünməsinə səbəb olub.
Bölmənin digər xəbərləri
