KİYEVDƏ SAHİBKARLIQ MƏSƏLƏLƏRİ MÜZAKİRƏ OLUNACAQ
AZƏRTAC-ın xüsusi müxbiri xəbər verir ki, iyulun 8-də Kiyevdə kiçik və orta sahibkarlığın inkişaf etdirilməsi məsələləri üzrə Azərbaycan-Ukrayna işçi qrupunun III iclası başlamışdır.
Biznes-forumda xüsusi iqtisadi zonaların yaradılması, ixracın dəstəklənməsi mexanizmlərinin, eləcə də sahibkarlıq subyektləri arasında əlaqələrin tənzimlənməsi və s. məsələlər müzakirə olunacaqdır.
İclası giriş sözü ilə Ukraynanın Tənzimləyici Siyasət və Sahibkarlıq Məsələləri üzrə Dövlət Komitəsinin başçısı Gennadi Bilous açmışdır.
Azərbaycan tərəfindən İqtisadi İnkişaf Nazirliyinin Sahibkarlığın inkişafı siyasəti departamentinin rəisi Samir Nuriyev, Azərbaycan İnvestisiya Şirkətinin icraçı direktoru Anar Axundov və başqaları çıxış etmişlər.
İyulun 9-da 2009-cu il üçün ikitərəfli əməkdaşlıq planları müzakirə olunacaq, yekunlar vurulacaq və işçi qrupun iclasının protokolu imzalanacaqdır.
Elə həmin gün biznes-forum başa catacaqdır.
Bölmənin digər xəbərləri
