Koçaryanın tərəfdarları İtaliya və Fransa səfirliklərinin qarşısında etiraz aksiyaları keçiriblər
Bakı, 21 avqust, AZƏRTAC
Ermənistanın hazırda həbsdə olan sabiq prezidenti Robert Koçaryanın tərəfdarları İtaliya və Fransanın Yerevandakı səfirliklərinin qarşısında etiraz aksiyaları keçiriblər.
AZƏRTAC panorama.am saytına istinadla xəbər verir ki, etiraz aksiyalarının iştirakçıları sabiq dövlət başçısının siyasi motivlərlə bağlı həbs olunduğunu bildiriblər və onun azad olunmasına dair tələblərini diplomatik missiyaların nümayəndələrinə təqdim ediblər. Məktubda Koçaryanın cinayət işi ilə əlaqədar bir il əvvəl açılmış cinayət işində qeydə alınmış 29 qanun pozuntusunun qeydə alınmış siyahısı təqdim edilib.
Robert Koçaryanın tərəfdarları bir gün əvvəl də Almaniyanın Yerevandakı səfirliyinin binası qarşısında etiraz aksiyası keçiriblər. Təşəbbüs qrupunun üzvləri diplomatik missiyanın nümayəndəsinə Ermənistanda məhkəmə-hüquq sistemində baş verən özbaşınalıqlar barədə də məlumat veriblər.
Bölmənin digər xəbərləri
