KONFRANS “ƏSRİN MÜQAVİLƏSİ”NİN 10 İLLİYİNƏ HƏSR OLUNMUŞDUR

25.09.2004 [17:39]
Çap et
A⁺ A^-

AZƏRTAC xəbər verir ki, Azərbaycan Respublikasının Prezidenti yanında Dövlət İdarəçilik Akademiyasında “Əsrin müqaviləsi”nin 10 illiyinə həsr edilmiş “Heydər Əliyevin yeni neft strategiyası – Azərbaycanın hərtərəfli tərəqqi və yüksəliş yoludur” mövzusunda konfrans keçirilmişdir.

Azərbaycanın ümummilli lideri Heydər Əliyevin əziz xatirəsi birdəqiqəlik sükutla yad edilmişdir.

Akademiyanın rektoru, professor Seyfəddin Qəndilov ulu öndərimiz Heydər Əliyevin uzaqgörən siyasətinin nəticəsi olan bu tarixi hadisənin əhəmiyyətindən və hazırda bu siyasətin uğurla həyata keçirilməsində Prezident İlham Əliyevin müstəsna rolundan danışmışdır.

Heydər Əliyevin yeni neft strategiyasının uğurlarından söhbət açılmış, mövzu ilə bağlı müzakirələr aparılmışdır.