Konstitusiya Məhkəməsi Palatasının iclasında Ali Məhkəmənin müraciətinə baxılıb
Bakı, 18 sentyabr, AZƏRTAC
Konstitusiya Məhkəməsi Palatasının növbəti iclası keçirilib.
Bu barədə AZƏRTAC-a Konstitusiya Məhkəməsinin mətbuat xidmətindən məlumat verilib.
Bildirilib ki, iclasda Konstitusiyanın 130-cu maddəsinin VI hissəsinə və “Konstitusiya Məhkəməsi haqqında” Qanunun 7.1-ci maddəsinə əsasən, Konstitusiyanın 32-ci maddəsinin I və II hissələrinin, 71-ci maddəsinin II hissəsinin, Mülki Məcəllənin 26-cı, Ailə Məcəlləsinin 53.3-cü maddələrinin Nazirlər Kabinetinin “Adın, ata adının və soyadın verilməsi və dəyişdirilməsi Qaydaları”nın 6.3, 6.24-6.28-ci bəndləri ilə əlaqəli şəkildə şərh edilməsinə dair Ali Məhkəmənin müraciətinə baxılaraq, Plenumun icraatına qəbul olunması haqqında qərardad qəbul edilib.
Müraciətə mahiyyəti üzrə Konstitusiya Məhkəməsi Plenumunun oktyabrın 9-na təyin olunmuş iclasında baxılacaq.
Bölmənin digər xəbərləri
