“KORRUPSİYA İLƏ MÜBARİZƏDƏ GƏNCLƏRİN ROLU”LAYİHƏSİ HƏYATA KEÇİRİLİR
Layihənin direktoru Fuad Dərgahlı onun Quba, Oğuz və Salyan rayonları ərazisində həyata keçiriləcəyini bildirmişdir. İlkin mərhələdə korrupsiya ilə mübarizə mövzusunda “açıq qapı”lar və diskussiyalar təşkil olunacaq, hər rayonda 15 fəal gəncdən ibarət təşviqat qrupu yaradılacaq, onlarla problemin hüquqi aspektlərinə, ictimaiyyətin maraqlarının qorunması üsullarına dair seminar-məşğələlər keçiriləcəkdir.
Məqsəd korrupsiya ilə mübarizədə gənclərin fəal iştirakını təmin etmək, əhalini məlumatlandırmaq, həmçinin problemlə üzləşən şəxsləri müvafiq strukturlara yönəltməkdir.
Layihə çərçivəsində yerli televiziya kanallarının birində ictimaiyyət nümayəndələrinin iştirakilə mövzu ilə bağlı diskussiyalar da təşkil olunacaqdır.
Sonda layihənin direktoru jurnalistləri maraqlandıran suallara cavab vermişdir.
