KREDİT XƏTTİNİN AÇILMASI BARƏDƏ MÜQAVİLƏ İMZALANMIŞDIR
“Respublika” bankının rəhbərliyi ilə Avropa Yenidənqurma və İnkişaf Bankının biznes qrupunun nümayəndələri arasında kiçik və orta sahibkarlığa kredit ayrılması üçün “Respublika” bankına 5 il müddətinə bir milyon dollar məbləğində kredit xətti açılması, habelə ticarəti maliyyələşdirmək üçün 500 min dollar məbləğində kredit ayrılması barədə iki müqavilə imzalanmışdır.
Bankın mətbuat xidmətindən AZƏRTAC-ın müxbirinə bildirmişlər ki, bu, “Respublika” bankının bilavasitə xarici bankdan aldığı ilk kredit xəttidir. Bundan əvvəl o, kiçik və orta sahibkarlığı maliyyələşdirmək üçün Almaniya-Azərbaycan Fondundan 2 milyon avro məbləğində kredit xətti almış və ondan səmərəli istifadə etmişdir.
Bölmənin digər xəbərləri
