Kunduz Rüstembekova: ATNA media əməkdaşlığının gücləndirilməsi üçün mühüm mexanizmdir
Şuşa, 14 iyul AZƏRTAC
İrəli sürülən təşəbbüslər və həyata keçirilən layihələr, xüsusilə də Türk Xəbər Agentlikləri Alyansına (ATNA) agentliklər arasında birbaşa xəbər mübadiləsini təmin edəcək ortaq platformaların yaradılması, əməkdaşlığın inkişafı baxımından olduqca əhəmiyyətlidir.
AZƏRTAC xəbər verir ki, bu sözləri Türk Dövlətləri Təşkilatının nümayəndəsi Kunduz Rüstembekova IV Şuşa Qlobal Media Forumu çərçivəsində keçirilən ATNA-nın İcraiyyə Komitəsinin iclasında deyib.
O qeyd edib ki, bu platforma informasiya mübadiləsini daha operativ və səmərəli edəcək, üzv agentliklər arasında əlaqələri daha da möhkəmləndirəcək. “ATNA türk dövlətlərinin media məkanında əməkdaşlığın genişləndirilməsi və gücləndirilməsi üçün mühüm mexanizmlərdən biridir. Ümid edirəm ki, Alyans çərçivəsində bütün üzv agentliklərlə daha sıx, məhsuldar və uzunmüddətli əməkdaşlıq quracaq, birgə layihələr vasitəsilə ortaq informasiya məkanının inkişafına mühüm töhfə verəcəyik”, - deyə Kunduz Rüstembekova vurğulayıb.
Bölmənin digər xəbərləri
