Kürdəmirdə "Zəfərə aparan yol: milli və dini həmrəylik" mövzusunda müzakirələr aparılıb
Bakı, 4 noyabr, AZƏRTAC
Noyabrın 4-də Dini Qurumlarla İş üzrə Dövlət Komitəsinin (DQİDK) Ucar bölgəsi üzrə şöbəsi və Kürdəmir rayon Heydər Əliyev Mərkəzinin birgə təşkilatçılığı ilə “Zəfərə aparan yol: milli və dini həmrəylik” mövzusunda tədbir keçirilib.
AZƏRTAC Dövlət Komitəsinin saytına istinadla xəbər verir ki, Kürdəmir rayon Heydər Əliyev Mərkəzində pandemiya ilə əlaqədar zəruri qaydalara əməl olunmaqla təşkil olunmuş tədbirdə DQİDK-nın Ucar bölgəsi üzrə şöbəsinin əməkdaşları Rauf Nəsirov, Seyfəli Umarov, rayon Heydər Əliyev Mərkəzinin nümayəndələri, din xadimləri, gənclər və məktəb şagirdləri iştirak ediblər.
Tədbir şəhidlərimizin əziz xatirəsinin yad edilməsi ilə başlanıb.
Çıxış edən natiqlər Azərbaycan Ordusunun rəşadətindən, xalqımızın Ordu ilə birliyindən söz açıblar. O da qeyd olunub ki, qazandığımız Qələbə Cənubi Qafqaz regionunda əməkdaşlığın genişlənməsi üçün yeni imkanlar açıb.
Sonda tədbir iştirakçılarını maraqlandıran suallar cavablandırılıb.
Bölmənin digər xəbərləri
