Lənkəran Rayon Mərkəzi Xəstəxanası əsaslı yenidənqurmadan sonra avqust ayında istifadəyə veriləcəkdir
Lənkəran, 24 iyul (AZƏRTAC). Regionların sosial-iqtisadi inkişafına dair ikinci Dövlət Proqramında müəyyən edilmiş tədbirlərə müvafiq olaraq Lənkəran Rayon Mərkəzi Xəstəxanasında əsaslı yenidənqurma işləri davam etdirilir.
AZƏRTAC xəbər verir ki, 1984-cü ildə tikilmiş tibb müəssisəsi dördmərtəbəli əsas, ikimərtəbəli poliklinika və terapevtik, birmərtəbəli infeksion və birmərtəbəli inzibati korpuslardan ibarətdir.
Ötən ilin avqust ayında səhiyyə müəssisəsində aparılan əsaslı təmir və yenidənqurma işləri artıq başa çatmaq üzrədir.
Xəstəxananın bu ilin avqust ayında istifadəyə verilməsi nəzərdə tutulmuşdur.
Bölmənin digər xəbərləri
