Lənkəranda sahilboyu ərazilər tullantılardan təmizlənib
Lənkəran, 23 aprel, İlkin Adıyev, AZƏRTAC
Lənkəran Şəhər İcra Hakimiyyətinin təşkilatçılığı ilə Xəzər dənizinin Lənkəran ərazisindən keçən sahilboyu zolağında genişmiqyaslı ekoloji aksiya təşkil olunub.
AZƏRTAC-ın bölgə müxbiri xəbər verir ki, aksiyanın əsas məqsədi ətraf mühitin mühafizəsinə töhfə vermək, ictimaiyyətdə ekoloji şüurun artırılması və sahilboyu ərazilərdə təmizlik işlərinin həyata keçirilməsi olub. Tədbirdə icra hakimiyyətinin əməkdaşları ilə yanaşı, müxtəlif idarə və müəssisələrin nümayəndələri, könüllülər və yerli sakinlər də fəal iştirak ediblər.
Ümumilikdə 500 nəfərin iştirak etdiyi ekoloji aksiya zamanı Xəzər dənizinin sahilində yerləşən çimərlik sahələrinə atılan bərk məişət tullantıları, plastik qablar və polietilen torbalar ərazidən təmizlənib, aidiyyəti üzrə tullantı poliqonuna daşınıb, sakinlərimizin rahat hərəkəti üçün çimərlik ərazilərə gedən ara yollar ağır texnikalar vasitəsilə hamarlanıb.
Bölmənin digər xəbərləri
