LERİKDƏ QOYUNÇULUĞU DAHA DA İNKİŞAF ETDİRMƏK MÜMKÜNDÜR, AMMA...
Rayon icra hakimiyyətindən AZƏRTAC-a bildirmişlər ki, heyvandarlığın bu gəlirli sahəsini daha da inkişaf etdirmək mümkündür, amma bundan ötrü qış və yay otlaqları ilə bağlı problem həll olunmalıdır. Məsələ burasındadır ki, 1982-ci ildə Dövlət Fondu hesabına Neftçala, Biləsuvar və Cəlilabadda Lerik rayonunun qoyunçuları üçün ayrılmış 25 min 345 hektar qış otlağından, rayonun öz ərazisində ayrılmış 5 min hektar yaylaqdan istifadə müddəti 2000-ci ildə başa çatmışdır. Xatırladaq ki, o zaman qoyunların sayı indikindən üç dəfə az idi. Rayonun ehtiyacı nəzərə alınaraq qış və yay otlaqları yenidən bölünməlidir. Hələlik isə qoyunçuluqla məşğul olan fiziki və hüquqi şəxslər problem qarşısında qalmışlar.
Bölmənin digər xəbərləri
