Azərbaycan Dövlət İnformasiya Agentliyi

İDMAN

LİVİYA 2010-CU İLİN DÜNYA FUTBOL ÇEMPİONATININ TƏŞKİLİNƏ 12 MİLYARD DOLLAR AYIRMAĞA HAZIRDIR

18.02.2004 [11:45]
Çap et
A⁺ A^-

AZƏRTAC-ın Qahirədən aldığı xəbərə görə, bunu Liviya lideri Müəmmər Qəzzafinin oğlu Səədi Qəzzafi jurnalistə müsahibəsində bildirmişdir.

Onun sözlərinə görə, bu pula Liviya beynəlxalq standartlara cavab verən idman infrastrukturu və çempionatın iştirakçıları və qonaqları üçün gözəl şərait yarada bilər.

Səədi Qəzzafi peşəkar futbolçudur və İtaliyanın “Peruca” klubunda oynayır. O, idman karyerasını başa çatdırdıqdan sonra Afrika Futbol Federasiyasının prezidenti vəzifəsi uğrunda mübarizə aparmaq niyyətindədir.

Xatırladaq ki, 2010-cu ilin dünya birinciliyini keçirməyə Liviya, Tunis, CAR, Mərakeş və Misir də namizəddir. Beynəlxalq Futbol Federasiyası (FİFA) bu çempionatın harada keçiriləcəyini mayın 15-də açıqlayacaqdır.