LİVİYA PREZİDENTİNİN OĞLU VƏ GƏLİNİ CENEVRƏDƏ HƏBS EDİLMİŞLƏR
AZƏRTAC-ın xüsusi müxbiri Frans-Press agentliyinə istinadla xəbər verir ki, Liviya Prezidenti polkovnik Muəmmər Kədafinin kiçik oğlu Hanibal və onun həyat yoldaşı Cenevrədəki beşulduzlu mehmanxanada yerli polis tərəfindən həbs edilmişlər. Həbsə səbəb onların mehmanxana xidmətçilərinə qarşı zor tətbiq etməsi və onları döyməsi olmuşdur.
Çağırışa gəlmiş qanun keşikçiləri cangüdənlərin müqavimət göstərməsinə baxmayaraq, Hanibalı və onun xanımını həbs etmişlər. Hanibal iki gününü Ədliyyə Nazirliyinin həbsxanasında keçirmişdir. Onlar yarım milyon isveç frankı (305.250 avro) cərimə ödədikdən sonra azadlığa buraxılmış, ölkənin qanunları çərçivəsində hərəkət edəcəkləri barədə kağıza qol çəkmişlər. Bir də belə hərəkətə yol versələr, dərhal ölkədən çıxarılacaqları barədə cütlüyə xəbərdarlıq edilmişdir.
Bölmənin digər xəbərləri
