LONDONDA ƏFSANƏVİ İKİMƏRTƏBƏLİ AVTOBUSA ƏVƏZ AXTARIRLAR
AZƏRTAC xəbər verir ki, Londonun hökumət orqanları şəhərin rəmzi olacaq yeni avtobusun dizaynının yaradılması üçün müsabiqə elan etmişlər. Qeyri-adi müsabiqənin keçirilməsinə səbəb onilliklər boyunca Britaniya paytaxtının rəmzi olmuş əfsanəvi ikimərtəbəli “Routemaster” avtobusunun istismardan çıxarılması olmuşdur. Sonuncu “Routemaster” markalı avtobuslar marşrut xətlərini 2005-ci ilin sonunda tərk etmişdir. Onlardan bəziləri yarım əsrdən çox işləmişdir.
Yeni avtobus-rəmzin dizayn eskizləri nəzərəçarpan, yadda qalan xüsusiyyətlərə malik olmalıdır. Bundan başqa, o, köhnə “Routemaster” kimi sərnişinlərin cəld minib-düşməsi üçün açıq platformaya malik olmalı, habelə əlillərin daşınmasından ötrü yararlı və ekoloji baxımdan təmiz olmalıdır.
Bölmənin digər xəbərləri
