Lotereya uduşlarının 10 manatdan çox hissəsindən vergi tutulur
Bakı, 11 fevral, AZƏRTAC
Vergi Məcəlləsində edilmiş dəyişiklikdə lotereyada qazanılmış gəlirdən vergi tutulurmu?
Vergilər Nazirliyinin Media və kommunikasiya mərkəzindən AZƏRTAC-ın sualına cavab olaraq bildirilib ki, Vergi Məcəlləsinin cari ilin yanvarın 1-dən qüvvəyə minən müddəalarına əsasən, maliyyə bazarlarına nəzarət orqanında qeydiyyatdan keçmiş lotereyalardan pul şəklində əldə edilən uduşların 10 manatadək olan hissəsi fiziki şəxslərin gəlir vergisindən azaddır. Buna əsasən, maliyyə bazarlarına nəzarət orqanında qeydiyyatdan keçmiş lotereyaların keçirilməsindən əldə edilən uduşlardan (mükafatlardan) iştirakla bağlı ödənilən pul vəsaiti (pul qoyuluşu) çıxılmaqla qalan məbləğin 10 manatadək olan hissəsi fiziki şəxslərin gəlir vergisindən azaddır. Həmçinin əldə edilən uduşların 10 manatdan çox olan hissəsindən 10 faiz dərəcə ilə vergi tutulur.
Bölmənin digər xəbərləri
