Mart soyqırımı zamanı azərbaycanlılara milli mənsubiyyətinə görə divan tutulub
Bakı, 30 mart, AZƏRTAC
Bakı Dövlət Universitetinin (BDU) Qazax filialında 31 Mart - Azərbaycanlıların Soyqırımı Günü ilə əlaqədar elmi-praktik konfrans keçirilib.
BDU-dan AZƏRTAC-a bildiriblər ki, filialın direktoru, professor Vüsət Əfəndiyev tarixboyu imperialist qüvvələrin havadarlığı ilə erməni qəsbkarlarının vətənimizə və xalqımıza qarşı məkrli addımlar atdığını, qırğın və soyqırımları həyata keçirdiyini diqqətə çatdırıb. Belə qanlı hadisələrdən biri də 1918-ci ildə erməni daşnak-bolşevik birlikləri tərəfindən törədilən 31 Mart soyqırımıdır. Bu qətliam zamanı azərbaycanlılara milli mənsubiyyətinə görə divan tutulub, soydaşlarımız qətl və amansız işgəncələrə məruz qalıb. Ümummilli lider Heydər Əliyevin 1998-ci il martın 26-da imzaladığı “Azərbaycanlıların soyqırımı haqqında” Fərman ilə azərbaycanlıların soyqırımına əsl hüquqi və siyasi qiymət verilib. Hazırda bu siyasət Prezident İlham Əliyev tərəfindən uğurla davam etdirilir.
Sonra 31 Mart soyqırımından bəhs edən videoçarx nümayiş olunub.
Çıxış edənlər ermənilərin zaman-zaman xalqımıza qarşı törətdikləri soyqırımlarından danışıb, namərd qonşuların daim soydaşlarımıza qarşı məkrli və təcavüzkar planlar həyata keçirdiklərini vvurğulayıblar.
Bölmənin digər xəbərləri
