Masallı taekvondoçuları Respublika birinciliyində 1 qızıl və 1 bürünc medal qazanıblar
Masallı, 9 avqust, Bağır Əliyev, AZƏRTAC
Bakı şəhərində gənclər arasında taekvondo üzrə keçirilən Respublika birinciliyində Masallı Rayon Gənclər və İdman İdarəsinin nəzdində fəaliyyət göstərən Uşaq Gənclər İdman Məktəbinin yetirmələri uğurlu nəticələr qazanıblar.
AZƏRTAC-ın bölgə müxbiri xəbər verir ki, iki gün davam edən Respublika birinciliyində masallılı idmançı Rahid Vəliyev 48 kiloqram çəki dərəcəsində bütün rəqiblərinə qalib gələrək, fəxri kürsünün ən yüksək pilləsinə sahib olub.
Masallının digər idmançısı Sevda Əzizova 49 kiloqram çəki dərəcəsində üçüncü yeri tutaraq bürünc medala layiq görülüb.
Qeyd edək ki, hər iki idmançını yarışlara məşqçi-müəllim Sadiq Ağayev hazırlayıb.
Bölmənin digər xəbərləri
