MASALLIDA UŞAQLARIN QİDALANMASINA HƏSR OLUNMUŞ SEMİNAR KEÇİRİLMİŞDİR

26.09.2004 [22:30]
Çap et
A⁺ A^-

AZƏRTAC-ın müxbiri xəbər verir ki, Masallı Rayon İcra Hakimiyyətinin iclas zalında Azad İstehlakçılar Birliyi, YUNİCEF və Səhiyyə Nazirliyinin dəstəyi ilə ölkəmizdə həyata keçirilən “Bazarın (o cümlədən reklam bazarının) uşaq qidaları seqmentinin qanunun tələblərinə uyğunluğunun monitorinqi, təbliğat, vəziyyətin qanunun və beynəlxalq kodeksin tələblərinə uyğunlaşdırılması” layihəsi çərçivəsində seminar keçirilmişdir.

Rayonun səhiyyə və təhsil müəssisələrinin, gigiyena-epidemiologiya mərkəzinin, uşaq fondunun, gənçlər idarəsinin və qeyri-hökumət təşkilatlarının nümayəndələrinin iştirak etdiyi tədbirdə Masallı Rayon İcra Hakimiyyəti başçısının müavini Ələşrəf Niftiyev, Azad İstehlakçılar Birliyinin sədr müavini Fərrux Əsədov, Səhiyyə Nazirliyinin nümayəndəsi Elnarə Məmmədova və Təlim Resurs Mərkəzinin təmsilçısı Nazilə Abbasova çıxış etmişlər.

Seminar iştirakçıları uşaqların qidalanması ilə əlaqədar sorğu anketlərinə rəy və təkliflərini yazmışlar.