MDB ÖLKƏLƏRİ XARİCİ İŞLƏR NAZİRLƏRİ ŞURASININ İCLASI
Sentyabrın 5-də Moskvada, “Prezident-otel”də Müstəqiı Dövlətlər Birliyi ölkələri xarici işlər nazirləri Şurasının iclası olmuşdur. İclas iştirakçıları BMT Baş Məclisinin qarşıdakı 56-cı sessiyasının gündəliyi və MDB üzvü olan ölkələrin xarici siyasət fəaliyyətinin əlaqələndirilməsi məsələlərini , MDB-nin üzvü olan dövlətlərin ərazilərində münaqişələrin qarşısının alınması və aradan qaldırılması üzrə Xüsusi nümayəndə haqqında Əsasnamə layihəsini, 2005-ci ilədək MDB ölkələrinin mədəniyyət sahəsində əməkdaşlığının başlıca tədbirlər Proqramı layihəsini, habelə MDB üzvü olan dövlətlərin Antiterror mərkəzinin fəaliyyəti, MDB xarici işlər nazirləri Şurası qərarlarının yerinə yetiriıməsinin gedişi, MDB hökumət başçıları Şurası iclasının gündəliyinin layihəsi, xarici işlər nazirləri Şurasının növbəti iclasının vaxtı və yerinin təyin edilməsi və digər məsələləri nəzərdən keçirmişlər.
İclası Rusiya Federasiyasının xarici işlər naziri İqor İvanov acaraq, onun BMT Baş Məclisinin 56-cı sessiyası ərəfəsində keçirildiyini xatırlatmışdır. O demişdir ki, biz həmin sessiyanın gündəliyinin ayrı-ayrı konkret problemlərinə dair qarşılıqlı fəaliyyətinin perspektivlərini və mümkün formalarını ətraflı müzakirə etməliyik.
Azərbaycan xarici işlər naziri Vilayət Quliyevin başçılığı ilə respublikamızın nümayəndə heyəti Şuranın iclasında iştirak etmişdir.
AZƏRTAC-ın xususi müxbiri
Fərhad Nuriyev
Moskva
Bölmənin digər xəbərləri
