Məcburi köçkünlərin tibbi müayinəsinə başlanılmışdır
Ağdam, 17 avqust (AZƏRTAC). Ağdam Mərkəzi Rayon Xəstəxanasının təşkilatçılığı ilə məcburi köçkünlərin məskunlaşdığı qəsəbələrdə əhalinin tibbi müayinəsinə başlanılmışdır.
AZƏRTAC xəbər verir ki, terapevt, cərrah, nevropotoloq, oftalmoloq, ginekoloq, kardioloq, dəri-zöhrəvi, pediatr və digər ixtisaslardan ibarət həkim briqadası tərəfindən Ağcabədi şəhərində məcburi köçkünlərin məskunlaşdıqları yaşayış massivində və Ağdam rayonu ərazisindəki Baharlı qəsəbəsində 150-dən çox vətəndaş müayinə olunmuşdur. Bəzi xəstələrə evlərdə xidmət göstərilmişdir. Müayinələr zamanı xəstəlik aşkar olunmuş vətəndaşlar stasionar və ambulator müalicəyə cəlb olunmuşlar.
Humanitar tədbir məcburi köçkünlər tərəfindən rəğbətlə və minnətdarlıqla qarşılanır. Aksiya növbəti həftələrdə məcburi köçkünlərin məskunlaşdıqları digər qəsəbələrdə davam etdiriləcəkdir.
Bölmənin digər xəbərləri
