Mərkəzi Bank investisiya şirkətinin lisenziyasını ləğv edib
Bakı, 12 dekabr, AZƏRTAC
“Plato Capital and Co. İnvestisiya Şirkəti” ASC-nin lisenziyası ləğv edilib.
AZƏRTAC Mərkəzi Banka istinadla xəbər verir ki, ASC İdarə Heyətinin qərarı ilə fəaliyyətində yol verdiyi pozuntuların aradan qaldırılmasına dair icrası məcburi göstərişlərə əməl edilməməsinə görə “Qiymətli kağızlar bazarı haqqında” Qanunun 70.1.6-cı maddəsinə uyğun olaraq investisiya şirkətinin lisenziyası ləğv olunub.
Qeyd edək ki, “Qiymətli kağızlar bazarı haqqında” Azərbaycan Respublikası Qanununun 70.3-cü maddəsinə müvafiq olaraq lisenziyası ləğv edilən investisiya şirkəti Azərbaycan Respublikasının Mülki Məcəlləsinə uyğun olaraq ləğv edilir.
Bölmənin digər xəbərləri
