Mərkəzi Gömrük Hospitalında 21 yaşlı gəncə qaraciyər köçürülmüşdür
Bakı, 17 sentyabr (AZƏRTAC). Mərkəzi Gömrük Hospitalında 21 yaşlı gəncə qaraciyər köçürülmüşdür.
AZƏRTAC xəbər verir ki, Malatya İnönü Universiteti Turqut Özal Orqan Köçürmə Mərkəzinin Qaraciyər Nəqli İnstitutunun müdiri, professor Sezai Yılmazın rəhbərliyi altında Mərkəzi Gömrük Hospitalının mütəxəssisləri - professor Nuru Bayramov, cərrahlar Namiq Novruzov və Aynur Sofiyevanın birgə həyata keçirdikləri qaraciyərin köçürülməsi əməliyyatı müvəffəqiyyətlə başa çatmışdır.
İyirmi bir yaşlı xəstəyə atası donor kimi qaraciyərini vermişdir.
Yeddi saat davam edən ağır əməliyyatdan sonra hər iki pasiyentin vəziyyəti normaldır.
2008-ci ildən fəaliyyətə başlayan hospitalda bu qəbildən sayca üçüncü əməliyyat keçirilmişdir.
Bölmənin digər xəbərləri
