Mərkəzi Klinika Gəncə Xəstəxanasında yeni şöbələr istifadəyə verilmişdir
Gəncə, 3 noyabr (AZƏRTAC). Respublikamızın qərb bölgəsindən olan xəstələrin ürək-damar əməliyyatı üçün artıq paytaxt Bakıya getmələrinə ehtiyac qalmayacaqdır. Mərkəzi Klinika Gəncə Xəstəxanasında fəaliyyətə başlayan ürək-damar cərrahiyyəsi və invazin kardiologiya şöbələrində gün ərzində 20 koronar angioqrafiya, 4 açıq ürək əməliyyatları aparılması mümkün olacaqdır.
Mərkəzi Klinika Gəncə Xəstəxanasının ürək-damar cərrahiyyəsi üzrə mütəxəssisi Firuz Kazımov AZƏRTAC-a demişdir ki, artıq Gəncədə ürək-damar cərrahiyyəsi tam həcmdə fəaliyyətə başlamışdır. Ürək cərrahiyyəsinin bütün sahələrindən, istər karonar cərrahiyyəsi, istər qapaq cərrahiyyəsi, istərsə də böyük aorta damarlarında, eləcə də digər periferik damarlarda əməliyyatlar icra olunacaqdır. Kardioloji şöbəyə müraciət edən xəstələrə angioqrafiya tətbiq edildikdən sonra xəstənin əməliyyat, yaxud da invaziv müdaxilələr edilməsi müəyyənləşəcəkdir.
Qeyd edək ki, 150 nəfərlik yeni tibbi heyətə həm Bakıdan ezam olunan, həm də Türkiyədə təhsil alan təcrübəli həkimlər daxildir.
Bölmənin digər xəbərləri
