MƏRKƏZİ SEÇKİ KOMİSSİYASINDA GÖRÜŞ
M.Pənahov rəhbərlik etdiyi qurum ilə AŞPA arasında əməkdaşlıq əlaqələrinin genişləndirilməsi məsələlərindən danışmışdır.
E.Lintner Milli Məclisə təkrar seçkilərlə bağlı məlumat əldə etmək istəyində olduğunu MSK sədrinin diqqətinə çatdırmışdır. M.Pənahov təkrar seçkilərlə bağlı Mərkəzi Seçki Komissiyasının gördüyü işlər, qeydə alınmış namizədlərin sayı və seçki komissiyalarının tərkibində təmsil olunan partiyalar barədə qonaqlara ətraflı məlumat vermişdir.
Mərkəzi Seçki Komissiyasının sədri AŞPA Monitorinq komitəsinin MSK-nın iclaslarını izləmək üçün nümayəndə göndərməsini təklif etmişdir.
E.Lintner aprelin sonunda təmsil etdiyi qurumun nümayəndələrinin yenidən Azərbaycana gələcəyini diqqətə çatdırmışdır.
Görüşdə qarşılıqlı maraq doğuran bir sıra digər məsələlər barədə də fikir mübadiləsi aparılmışdır.
Bölmənin digər xəbərləri
