MƏŞQÇİLƏRİN SEMİNARI BAŞA ÇATMIŞDIR
Bakı, 23 oktyabr (AZƏRTAC). Aşağı yaş qruplarına daxil olan idmançılardan ibarət yığma komandaların texniki direktoru Bernhard Lippertin rəhbərliyi ilə AFFA-nın U-13 liqasında çıxış edəcək komandaların məşqçiləri üçün keçirilən seminar başa çatmışdır.
AFFA-dan bildirmişlər ki, seminarın sonunda qurumun baş katibi Elxan Məmmədov Futbol Akademiyasında məşqçilərlə görüşmüşdür. Ölkəmizdə futbolun inkişafı, uşaq futbolunun səviyyəsinin yüksəldilməsi məqsədilə İcraiyyə Komitəsinin qərarı ilə AFFA-nın U-13 liqasının yaradıldığını bildirən E.Məmmədov, bu liqada mübarizə aparacaq komandaların hazırlığı sahəsində seminarda iştirak edən məşqçilərin üzərinə böyük məsuliyyət düşdüyünü söyləmişdir. Baş katib bütün məşqçilərə uğurlar arzulamışdır.
Seminarda iştirak edən hər bir məşqçiyə AFFA tərəfindən toplar və məşq üçün zəruri olan ləvazimat verilmişdir.
Bölmənin digər xəbərləri
