MİLLİ MƏCLİSİN NÜMAYƏNDƏ HEYƏTİNİN UKRAYNAYA SƏFƏRİ
Xəbər verdiyimiz kimi, Milli Məclisin sədri Murtuz Ələsgərovun başçılıq etdiyi parlament nümayəndə heyəti dekabrın 1-də Kiyev şəhərinə gəlmişdir.
Nümayəndə heyətinə aqrar siyasət daimi komissiyasının sədri Eldar İbrahimov, deputatlardan Vaqif Abdullayev, Tahir Rzayev, Vladimir Timoşenko, Gülmət Pirmətov, Elbrus Təhməzov və Milli Məclis Aparatının Beynəlxalq münasibətlər şöbəsinin müdiri Azər Qasımov daxildirlər.
Kiyevin “Borispol” hava limanında Milli Məclisin sədrini Ukrayna Ali Radası sədrinin müavini Aleksandr Zinçenko, Xarici İşlər Naziriliyinin dövlət katibi Yuri Sergeyev, Azərbaycanın Ukraynadakı fövqəladə və səlahiyyətli səfiri Tələt Əliyev və digər rəsmi şəxslər qarşılamışlar.
Kütləvi informasiya vasitələri nümayəndələrinin suallarına cavab verən Murtuz Ələsgərov səfərin Ukrayna ali qanunvericilik orqanının başçısı Vladimir Litvinin dəvəti ilə həyata keçirildiyini bildirmiş, səfər müddətində Prezident Lenoid Kuçma, Ali Padanın sədri ilə, baş nazir Viktor Yanukoviçlə və Ukraynanın digər rəsmi şəxsləri ilə görüşlər keçiriləcəyini bildirmişdir. Parlamentin sədri belə görüşlərin ölkələrimiz arasında əlaqələrin və strateji tərəfdaşlığın inkişafına xidmət etdiyini xüsusi vurğulamışdır.
Səfər dekabrın 4-dək davam edəcəkdir.
Milli Məclisin mətbuat xidməti
Bölmənin digər xəbərləri
