“MİLLİ QƏHRƏMAN” QƏZETİNİN İLK NÖMRƏSİ ÇAPDAN ÇIXMIŞDIR
AZƏRTAC xəbər verir ki, Azərbaycan Respublikası Milli Qəhrəmanları Tanıtma İctimai Birliyinin Dövlət hakimiyyəti orqanları, QHT-lər və ictimaiyyətlə iş üzrə Bakı şəhər departamentinin təsisçisi olduğu “Milli Qəhrəman” qəzetinin ilk nömrəsi çapdan çıxmışdır.
Şüarı “Lideri olan xalq qəhrəmanlar yetişdirir” olan ictimai-siyasi qəzetin baş redaktoru Mirbəşir Murtuzov demişdir ki, vətəndaşlarımız Azərbaycanın Milli Qəhrəmanları barədə məlumatı müxtəlif saytlardakı pərakəndə informasiyalardan alırlar. İnternet səhifələrinin əksəriyyətində bu qəhrəmanlar barədə verilən məlumatlar bəzən həqiqətə uyğun gəlmir. Milli Qəhrəmanlarımızın tanıdılması, xatirəsinin həmişə əziz tutulması, keçdikləri döyüş yolunun işıqlandırılması, gənc nəslə çatdırılması özü zəruri olmaqla bərabər, həm də müqəddəs iş, vətənpərvərlik nümunəsidir.
Qəzet ümumiyyətlə, müxtəlif sahələrdə qəhrəmanlıq göstərmiş oğul və qızlarımızın həyatının işıqlandırılmasını, ümummilli lider Heydər Əliyevin irsinin təbliğini qarşısına məqsəd kimi qoymuşdur. Eyni zamanda, vətənpərvərlik və dövlətçilik ideayalarının formalaşdırılması istıqamətində yazılara da geniş yer veriləcəkdir.
Bölmənin digər xəbərləri
