Millin Onkologiya Mərkəzinin həkim briqadası Zərdabda humanitar tibbi aksiya keçirir
Zərdab, 23 sentyabr (AZƏRTAC). Milli Onkologiya Mərkəzinin 16 nəfərdən ibarət həkim briqadası baş onkoloq Azad Kərimlinin rəhbərliyi ilə sentyabrın 23-dən başlayaraq Zərdab rayonunda 3 günlük humanitar aksiya keçirir.
AZƏRTAC xəbər verir ki, həkim briqadasının aksiya müddətində 2000-ə yaxın sakini müayinə etməsi nəzərdə tutulur. Aksiyanın ilk günündə yüksək ixtisaslı ginekoloq, mamoqraf həkimlər, eləcə də ultrasəs və rentgen üzrə mütəxəssislər zob, qarın boşluğu, ağciyər, öd, qaraciyər, böyrək, baş-beyin xəstəliklərindən əziyyət çəkən xəstələri müayinə etmişlər. Onlar pasiyentlərə məsləhətlər vermiş, bəzilərinin paytaxt xəstəxanalarında müalicə olunmalarını vacib saymışlar.
Aksiyanın birinci günü Alıcanlı, Çallı, Məlikumudlu kəndlərindən, Bəyimli qəsəbəsindən və Zərdab şəhərindən olan sakinlərə tibbi xidmət göstərilmişdir. Sonrakı iki gündə isə rayonun digər kənlərindən olan sakinlərin müayinəsi aparılacaqdır.
Bölmənin digər xəbərləri
