MİNA TƏHLÜKƏSİNƏ DAİR BEYNƏLXALQ TƏDBİR KEÇİRİLMİŞDİR
AZƏRTAC xəbər verir ki, Bakı Biznes Mərkəzində Cənub-Şərqi Avropanın mina təhlükəsi ilə mübarizə üzrə Əlaqələndirmə Şurasının 12-cı iclası keçirilmişdir. Azərbaycan Respublikası Ərazilərinin Minalardan Təmizlənməsi üzrə Milli Agentliyin direktoru Nazim İsmayılovun sədrliyi ilə keçirilən tədbirdə Şuranın üzvü olan ölkələrin regionda mina təhlükəsi ilə mübarizənin gücləndirilməsi, birgə əməkdaşlığa dair öhdəliklərin qəbul edilməsi, ölkələrarası təcrübə mübadiləsinin sürətləndirilməsi, mina təhlükəsinə dair maarifləndirmə üzrə işçi qrupunun yaradılması məsələləri müzakirə olunmuşdur.
İclasda Albaniya, Xorvatiya, Bosniya və Herseqovina, Serbiya və Çernoqoriyanın mina təhlükəsi ilə mübarizə proqramlarının rəhbərləri, xarici ölkələrin və beynəlxalq təşkilatların ölkəmizdəki diplomatik nümayəndələri də iştirak etmişlər.
