MİNGƏÇEVİR ŞƏHƏR SAKİNİ ÖZÜNÜ KÜR ÇAYINA ATMIŞDIR
AZƏRTAC xəbər verir ki, Mingəçevir çəhər sakini, 1943-cü il təvəllüdlü Hüseynova Kifayət Alışan qızı özünü Kür çayına ataraq intihar etmişdir.
Mingəçevir Şəhər Polis şöbəsindən bildirmişlər ki, hadisə iyulun 17-də səhər saat 8:00 radələrində baş vermişdir. Yevlax rayonunun Xanabad kəndində anadan olmuş 65 yaşlı K.Hüseynova Mingəçevir şəhəri, Puşkin küçəsi, ev 48 ünvanında tənha yaşayırdı. Məlumatda bildirilir ki, o, əvvəllər bir neçə dəfə intihara cəhd etmişdir.
Hadisədən az sonra dalğıclar mərhumun cəsədini sudan çıxarmışlar. Faktla bağlı şəhər prokurorluğunda cinayət işi açılmışdır, araşdırma aparılır.
Bölmənin digər xəbərləri
