Mingəçevirdə qanvermə aksiyası keçirilmişdir
Mingəçevir, 15 noyabr (AZƏRTAC). Səhiyyə Nazirliyi və Qafqaz Müsəlmanları İdarəsi birgə Aşura günü ilə əlaqədar Mingəçevir şəhərindəki “Heydər” məscidində könüllü qanvermə aksiyası keçirmişlər.
AZƏRTAC xəbər verir ki, qana ehtiyacı olan xəstələrə kömək məqsədilə təşkil olunan humanitar tədbirdə şəhərin dindarları, icra hakimiyyətinin, idarə və təşkilatların kollektivləri, hüquq mühafizə orqanlarının əməkdaşları, təhsil, səhiyyə və mədəniyyət işçiləri, gənclər iştirak etmişlər.
Mərkəzi Qan Bankının Mingəçevir regional filialının həkim briqadası aksiyada iştirak edənlərin sağlamlıq durumunu yoxladıqdan sonra onlardan qan götürülmüşdür.
Aksiyada ümumilikdə 200 nəfər iştirak etmişdir.
Yerli sakinlər bu cür xeyirxah tədbirlərin əhəmiyyətini yüksək qiymətləndirmişlər.
Bölmənin digər xəbərləri
