Minifutbol yığmasının kapitanı: Çempionluq titulunu qorumaq istəyirik
Bakı, 27 may, AZƏRTAC
"Hazırlığımız yüksək səviyyədə davam edir. Bütün tapşırıqları yerinə yetiririk".
AZƏRTAC xəbər verir ki, bu sözləri Azərbaycan minifutbol millisinin kapitanı Seymur Məmmədov Avropa çempionatına hazırlıq barədə jurnalistlərə açıqlamasında deyib.
O, yenidən Avropa çempionu olmaq istədiklərini bildirib: "Bütün fikrimizi birinci yeri tutmağa kökləmişik. Titulu qorumaq istəyirik".
Son Avropa çempionatında tarixi qolun müəllifi olmuş S. Məmmədov Rumıniya seçməsinin qapısından keçirdiyi topu yaxşı xatırladığını vurğulayıb: “Amma mənim qol vurmağım vacib deyil. Əsas odur ki, sonda komandam qalib gəlsin".
Qeyd edək ki, Avropa çempionatı iyunun 1-9-da Bosniya və Herseqovinanın paytaxtı Sarayevoda təşkil olunacaq. Azərbaycan millisi İtaliya, Fransa və Belçika ilə birgə F qrupunda mübarizə aparacaq.
Bölmənin digər xəbərləri
