Misirdə ilk atom elektrik stansiyanın tikintisi üçün təklif olunan yer rəsmən bəyənilib
Qahirə, 8 aprel, AZƏRTAC
Misirdə ilk atom elektrik stansiyanın (AES) tikintisi üçün təklif olunan yer rəsmi qaydada bəyənilib.
AZƏRTAC Misirin atom stansiyaları idarəsinin məlumatına istinadla xəbər verir ki, ölkənin Əl-Dabaa rayonunda tikilməsi nəzərdə tutulan birinci AES üçün ayrılan yer artıq nüvə və radiasiya nəzarəti idarəsinin yoxlamasından keçib. Nəticədə stansiyanın inşasına dair lisenziyaların alınması üçün lazımi prosedurlara başlanılacaq.
Məlumatda qeyd olunub ki, ərazinin Misirin və MAQATE-nin tələblərinə uyğun olduğu təsdiqlənib.
Misirdə Rusiyanın iştirakı ilə inşa ediləcək AES hər biri 1200 MVt gücündə dörd enerji blokundan ibarət olacaq. Stansiyanın birinci enerji blokunun 2026-cı ildə istifadəyə veriləcəyi gözlənilir.
Asya Hacızadə
AZƏRTAC-ın xüsusi müxbiri
Qahirə
Bölmənin digər xəbərləri
