Moldovalı nazir: Bərpaolunan enerji mənbələrinin inkişafı enerji strategiyasının əsas istiqamətlərindən birinə çevrilib
Bakı, 1 iyun, AZƏRTAC
Bərpaolunan enerji mənbələrinin inkişafı enerji strategiyasının əsas istiqamətlərindən birinə çevrilib.
AZƏRTAC xəbər verir ki, bu sözləri Moldovanın energetika naziri Dorin Junqetu Bakı Enerji Forumunda “Davamlı və şaxələndirilmiş enerji gələcəyi naminə beynəlxalq əməkdaşlıq” mövzusundakı plenar müzakirəsində çıxışı zamanı deyib.
Onun sözlərinə görə, son dörd ildə ölkədə bərpaolunan enerji sahəsində mühüm irəliləyiş əldə olunub.
“Belə ki, qurulu güc 77 meqavatdan 1 giqavatdan çox səviyyəyə çatdırılaraq təxminən 12 dəfə artırılıb. Hazırda axşam saatlarında yaranan pik enerji tələbatını azaltmaq məqsədilə enerji saxlama sistemlərinin quraşdırılması və təşviqi istiqamətində işlər aparılır”,- deyə o bildirib.
Nazir əlavə edib ki, enerji təhlükəsizliyinin gücləndirilməsi və regional əməkdaşlığın genişləndirilməsi məqsədilə Rumıniya və Ukrayna ilə əlavə enerji bağlantılarının yaradılması istiqamətində də layihələr həyata keçirilir.
Bölmənin digər xəbərləri
