Moskva “3+3” platformasının işini perspektivli hesab edir
Moskva, 21 yanvar, AZƏRTAC
Moskva “3+3” platformasının işini perspektivli hesab edir.
AZƏRTAC xəbər verir ki, bu barədə Rusiyanın xarici işlər naziri Sergey Lavrov Moskvada ermənistanlı həmkarı Ararat Mirzoyanla apardığı danışıqlarda bildirib.
Lavrov deyib: “Məşvərətçi “3+3” formatının fəaliyyət göstərməsində maraqlı olduğumuzu təsdiq etdik. Cənubi Qafqazın üç ölkəsi – Ermənistan, Azərbaycan Gürcüstan və onların üç qonşusu – Rusiya, İran və Türkiyə. Bu platformanı çox perspektivli hesab edirik”.
Rusiyalı nazir onu da qeyd edib ki, Moskva Ermənistan-Azərbaycan münasibətlərinin normallaşdırılmasına kömək etməyə hazırdır. O vurğulayıb: “Biz İrəvan və Bakının maraqlı olacaqları təqdirdə normallaşmanın bütün istiqamətləri, o cümlədən sülh sazişinin müddəalarının hazırlanması, sərhədlərin delimitasiyası və demarkasiyası, nəqliyyat əlaqələrinin açılması və təbii ki, humanitar məsələlər üzrə onlara kömək etməyə həmişə hazır olduğumuzu təsdiq etdik”.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
