Moskvanın Şeremetyevo aeroportunun minalanması məlumatı araşdırılır
Bakı, 18 iyul, AZƏRTAC
Rusiyanın xüsusi xidmət orqanları tərəfindən Moskvanın Şeremetyevo aeroportunun minalanması barədə məlumat araşdırılır. AZƏRTAC TASS informasiya agentliyinə istinadla xəbər verir ki, bu haqda hüquq-mühafizə orqanlarından bildiriblər.
Hüquq-mühafizə orqanlarının nümayəndəsi agentliyə bildirib ki, naməlum şəxs Şeremetyevo aeroportunun administrasiyasına zəng edərək hava limanının ərazisində partlayıcı qurğu yerləşdirildiyini xəbər verib. Həmin informasiyanı yoxlamaq üçün əraziyə xüsusi xidmət orqanlarının əməkdaşları və minaaxtaranlar cəlb olunub.
Hazırda aeroportun normal rejimdə fəaliyyət göstərdiyi xəbər verilir.
Bölmənin digər xəbərləri
