CƏMİYYƏT
Müasirləşən, modernləşən bölgələr AzərTAc-ın videotəqdimatında Gəzdim Azərbaycanı: Bakı-Naxçıvan VİDEO
![Müasirləşən, modernləşən bölgələr AzərTAc-ın videotəqdimatında Gəzdim Azərbaycanı: Bakı-Naxçıvan VİDEO](/files/2013/3/1200x630/14071450865827747302_1200x630.jpg)
Bakı, 31 oktyabr (AZƏRTAC). Azərbaycan Dövlət Teleqraf Agentliyinin (AZƏRTAC) “Gəzdim Azərbaycanı” layihəsi bu dəfə Azərbaycanın ən səfalı və gözəl yerlərindən biri olan qədim Naxçıvan torpağından bəhs edəcək.
AZƏRTAC-ın çəkiliş qrupu muxtar respublikanın bütün bölgələrini qarış-qarış gəzərək sivilizasiyanın beşiyi sayılan bu diyarı kameramızın yaddaşına məhz olduğu kimi köçürməyə çalışıb. Videoreportajda bir-birinə bənzəməyən, ecazkar təbiəti, rəngləri insanı valeh edən dağlar qoynuna sığınan muxtar respublikanın bölgələrindən geniş bəhs ediləcəkdir. Həmçinin reportajda meyvə cənnəti Ordubad, payız meşələri göz oxşayan Şahbuz, folkloru ilə xalqa sədaqət nümunəsi olan Şərur, müasir və qədimliyi özündə birləşdirən Culfa, Sədərək və digər bölgələrin mehriban, səmimi, qonaqpərvər insanları haqında ətraflı məlumat veriləcəkdir.
AZƏRTAC-ın bu günlərdə təqdim edəcəyi silsilə videoreportajda muxtar respublikanın tarixi, mədəniyyəti, incəsənəti, iqtisadiyyatı və təbiəti, sənaye müəssisələri, yeni tikililəri, müasir park və meydanları, səhiyyə, təhsil, idman, mədəniyyət ocaqları barədə ətraflı məlumat veriləcəkdir.