MÜƏSSİSƏNİN İSTEHSAL GÜCÜ ARTIR
AZƏRTAC-ın müxbiri xəbər verir ki, Azərbaycan Prezidenti İlham Əliyevin sentyabrın 11-də Bərdədə, “Qarabağ-Pambıq” Açıq Tipli Səhmdar Cəmiyyətində olarkən müəssisənin fəaliyyətini genişləndirməsi, yeni sahələrin yaradılması barədə verdiyi tövsiyələrə uyğun olaraq, burada yenidənqurma işləri aparılmış, dünya standartlarına cavab verən avadanlıq quraşdırılmışdır. Müəssisədə 60 yeni iş yeri açılmış, işçilərin sayı 255 nəfərə çatdırılmışdır. Burada çalışanların orta aylıq əmək haqqı 510 min manat təşkil edir. Səhmdar cəmiyyəti 1500 nəfər fermerlə müqavilə bağlamışdır. İndiyədək 2500 ton məhsul qəbul olunmuş və 1000 ton mahlıc istehsal edilmişdir. Yaxın vaxtlarda müəssisənin istehsal gücü artırılacaqdır.
Bölmənin digər xəbərləri
