MÜHARİBƏ VƏ ƏMƏK ƏLİLLƏRİNƏ NOVRUZ TÖHFƏSİ
Nazir taleyin hökmü ilə burada yaşamağa məcbur olmuş ahıl insanları Novruz bayramı münasibətilə təbrik etdikdən sonra demişdir ki, ölkəmiz iqtisadi cəhətdən qüdrətləndikcə dövlətin vətəndaşlara qayğısı da artır. Azərbaycan Prezidenti İlham Əliyevin yeritdiyi siyasət sayəsində bu artımı sosial cəhətdən müdafiəyə ehtiyacı olan sizlər daha çox hiss edəcəksiniz. Eyni zamanda, Əmək və Əhalinin Sosial Müdafiəsi Nazirliyi sizin məişət şəraitinizi yaxşılaşdırmaq üçün səyini əsirgəməyəcəkdir.
Füzuli Ələkbərov sağlamlığını döyüşlərdə və əmək cəbhəsində itirmiş veteranlara nazirliyin kollektivi adından musiqi mərkəzi hədiyyə etmişdir.
Nazir müəssisəni gəzərək ahıllara yaradılmış şəraitlə tanış olmuşdur.
Səmimi görüş pansionatı hamiliyə götürmüş qurumun - Dövlət Xəzər Dəniz Gəmiçiliyi kollektivinin açdığı zəngin bayram süfrəsi arxasında davam etmişdir.
