MUSİQİ MARAFONU BAŞA ÇATMIŞDIR
AZƏRTAC zəbər verir ki, Mədəniyyət və Turizm Nazirliyinin təşkil etdiyi gənc ifaçıların I respublika müsabiqəsi başa çatmışdır. Musiqi marafonunda 7-11, 12-15 və 16-17 yaşlı məktəblilər iştirak etmişlər.
Münsiflər heyətinə xalq artistləri Fidan və Xuraman Qasımovalar, pianoçu Murad Hüseynov, dirijorlardan Fəxrəddin Dadaşov, Azad Əliyev və digər tanınmış musiqi xadimləri daxil idilər. Müsabiqə bölgələrdə, o cümlədən Naxçıvan, Quba, Gəncə şəhərlərində, eləcə də paytaxtda keçirilmişdir.
Müsabiqənin başa çatması münasibətilə qala-konsert mayın 22-də Müslüm Maqomayev adına Azərbaycan Dövlət Filarmoniyasında olacaqdır.
Bölmənin digər xəbərləri
