MÜSLÜM MAQOMAYEV BAKIYA GƏLMİŞDİR
Görkəmli həmvətənimiz, SSRİ xalq artisti Müslüm Maqomayev özünün yubiley şənliklərində iştirak etmək üçün sentyabrın 5-də xanımı Tamara Sinyavskaya ilə birlikdə Bakıya gəlmişdir.
Binə hava limanında görkəmli müğənniləri Prezidentin İcra Aparatının humanitar siyasət şöbəsinin müdiri Fatma Abdullazadə, mədəniyyət naziri Polad Bülbüoğlu və digər rəsmi şəxslər qarşılamışlar.
Müslüm Maqomayev jurnalistlərin suallarına cavab verərək dedi ki, doğma Vətəninə gəlməyinə şaddır və hər dəfə Bakıya gələndə bu torpağa qəlbən bağlılığını daim hiss edir. Tamara Sinyavskaya isə bildirdi ki, Azərbaycan onun üçün ikinci Vətənə çevrilmişdir və 1972-ci il oktyabrın 3-dən, Müslümlə həyat qurduğu gündən bu məmləkət onun üçün doğmadır.
Foto Namiq Məmmədovundur
Bölmənin digər xəbərləri
