MUSSOLİNİNİN AVTOMOBİLİ XEYRİYYƏ MƏQSƏDİ İLƏ 140 MİN DOLLARA SATILMIŞDIR
1939-cu ildə məşhur “Pininfarina” dizayn emalatxanasının xüsusi sifarişi ilə yığılmış dəbdəbəli “Lança” avtomobilini müharibə zamanı Amerika hərbi qulluqçuları qənimət kimi ələ keçirmişdilər. Avtomobil son illər Niaqara şəlaləsi bölgəsindəki avtomobil muzeyində saxlanılırdı.
Avtomobili alan da, satan da anonim qalmaq istəmişlər. Onun satışından əldə olunan vəsait ağır xəstə uşaqlara yardım göstərən Kanada xeyriyyə təşkilatına verilmişdir.
Mussolininin “Lança” avtomobili 10 gün əvvəl hərraca çıxarılmış, lakin oktyabrın 10-da hərracın bağlanmasına az qalmış avtomobil uğrunda mübarizə gərginləşmişdir. Hərracın sonuna 25 dəqiqə qalmış qiymət 100 min dollara qalxmış, sonda isə 140 min dollara çatmışdır.
Bölmənin digər xəbərləri
