Muxtar respublikada pərakəndə ticarət dövriyyəsi 505 milyon manata yaxın olub
Naxçıvan, 11 iyun, AZƏRTAC
Cari ilin yanvar-may aylarında Naxçıvanda informasiya və rabitə xidmətlərinin dəyəri əvvəlki ilin müvafiq dövrü ilə müqayisədə 0,3 faiz artaraq 14 milyon 145 min 400 manat olub.
AZƏRTAC-ın Naxçıvan bürosu xəbər verir ki, bəhs olunan dövrdə muxtar respublikada pərakəndə ticarət dövriyyəsi isə 504 milyon 863 min 200 manat təşkil edib. Bu da 2023-cü ilin müvafiq dövrü ilə müqayisədə 1 faiz çoxdur. Bundan başqa, 2024-cü ilin yanvar-may aylarında əhaliyə göstərilən ödənişli xidmətlərin dəyəri 76 milyon 252 min 100 manat olub ki, bu, 2023-cü ilin müvafiq dövrü ilə müqayisədə 1,6 faiz çox deməkdir.
Bölmənin digər xəbərləri
