NARKOTİK İLƏ BAĞLI 50-DƏN ÇOX FAKT AŞKARLANMIŞDIR
Dövlət Gömrük Komitəsindən AZƏRTAC-a bildirmişlər ki, “Narkotik vasitələrin, psixotrop maddələrin və prekursorların qanunsuz dövriyyəsi və narkomanlığın yayılması ilə mübarizə üzrə Proqram”ın icrasını təmin etmək məqsədi ilə mühüm tədbirlər həyata keçirilir. Gömrük orqanları tərəfindən görülən işlər nəticəsində narkotik vasitələrin qaçaqmalçılığı ilə əlaqədar cari ilin yanvar-iyul ayları ərzində 50-dən çox fakt (2003-cü ilin eyni dövrü ilə müqayisədə 8 fakt çox) aşkar edilmiş, həmin faktlar üzrə 15 kiloqram 369 qram narkotik, o cümlədən 7 kiloqrama yaxın tiryək, 6 kiloqramdan çox marixuana, 821,9 qram həşiş, 612,449 qram heroin, 2152 ədəd psixotrop maddə tutulmuşdur.
Bölmənin digər xəbərləri
