Narkotik vasitənin təsiri altında avtobusu idarə edən sürücü inzibati həbs olunub
Bakı, 11 may, AZƏRTAC
Sürücülük hüququ olmadan və narkotik vasitənin təsiri altında avtobusu idarə edən sürücü inzibati həbs edilib.
Bu barədə Daxili İşlər Nazirliyinin mətbuat xidmətindən məlumat verilib. Bildirilib ki, mayın 9-da saat 16 radələrində Abşeron rayonu ərazisində “İsuzu” markalı avtobus Baş Dövlət Yol Polisi İdarəsinin əməkdaşları tərəfindən nəzarət qaydasında saxlanılıb. Araşdırmalarla sürücü Bakı şəhər sakini Ənvər Bəşirovun avtobusu sürücülük hüququ olmadan idarə etməsi və narkotik vasitənin təsiri altında olması müəyyən olunduğundan barəsində İnzibati Xətalar Məcəlləsinin 334.1-ci maddəsi ilə protokol tərtib olunub.
Abşeron Rayon Məhkəməsinin qərarı ilə Ənvər Bəşirov 4 gün müddətinə inzibati həbs edilib.
Bölmənin digər xəbərləri
