Narkotiklərin qanunsuz dövriyyəsində şübhəli bilinən iki nəfər tutularaq cinayət məsuliyyətinə cəlb olunub
Bakı, 21 avqust, AZƏRTAC
Polis əməkdaşları narkotik vasitələrin və psixotrop maddələrin qanunsuz dövriyyəsi və satışı ilə məşğul olan şəxslərin aşkarlanaraq məsuliyyətə cəlb olunmaları istiqamətində tədbirləri davam etdirirlər.
Daxili İşlər Nazirliyinin mətbuat xidmətindən AZƏRTAC-a bildiriblər ki, Pirallahı rayonunda narkotiklərin qanunsuz dövriyyəsində şübhəli bilinən qəsəbə sakinləri, əvvəllər məhkum olunmuş 1979-cu il təvəllüdlü Vüsal Alyarov və 1990-cı il təvəllüdlü Azad Namazov polis əməkdaşlarının keçirdikləri növbəti əməliyyat-axtarış tədbirləri nəticəsində müəyyən edilərək saxlanılıblar. Onların üzərinə baxış zamanı narkotik və psixotrop maddələr - heroin və metamfetamin aşkar edilərək götürülüb.
Faktlarla bağlı Pirallahı Rayon Polis Şöbəsində araşdırmalar aparılır.
Bölmənin digər xəbərləri
